Entroido de Lugo 2026: consulta o programa completo e todas as actividades ata o 18 de febreiro
12 de febrero de 2026 (19:04 h.)
As actividades arrincan o xoves 12 de febreiro coa exposición no Vello Cárcere e encadea seis días de música, circo, desfiles e tradición ata o Enterro da Sardiña
O Concello de Lugo presentou a programación completa do Entroido 2026, con propostas culturais e festivas do 12 ao 18 de febreiro para todos os públicos. Exposicións, música, circo, desfiles e tradición encherán a cidade durante a semana grande do Entroido.
Datas destacadas:
- 12 de febreiro: inauguración da exposición «Personaxes do Entroido Galego» no Vello Cárcere (máis de 100 obras; aberta ata o 30 de marzo) e actuación de Cé Orquestra Pantasma no Mercado Municipal.
- 13 de febreiro: comezo oficial da celebración co pregón na Praza Maior e animación de Bloco Meigallo polo casco histórico.
- 14 de febreiro: proposta «AUCHH!», desfile infantil con Tambukda e espectáculo «Malabarabilidades».
- 15 de febreiro: Gala de circo Introitus con Pakolas, Marta Sempre Arriba, Henriko e Martilda.
- 16 de febreiro: espectáculos «Máximo Óptimo» e «Otros Aires» na Praza Maior.
- 17 de febreiro: desfile de disfraces para adultos e espectáculo «Consertasso na horta» de Brais das Hortas.
- 18 de febreiro: peche con «O mundo de Nono», concerto de banda e coro infantil, e Enterro da Sardiña con concurso de ferretes (saída desde o Círculo das Artes) e colaboración de Estoupacaldeiros, Orquesta Terra Nova e Orfeón Xoan Montes.
A programación inclúe tamén a mostra «Personaxes do Entroido Galego», que permanecerá dispoñible ata o 30 de marzo, como un dos eixos culturais desta edición.